Mjaft inkurajuese janë të dhënat e një raporti në lidhje me abortet në nivel ndërkombëtar. Sipas Institutit Amerikan Guttmacher, i cili studion shëndetin seksual dhe riprodhues, numri i aborteve në mbarë botën ka shënuar rënie të kënaqshme gjatë viteve të fundit. Konkretisht, janë reduktuar rreth 41.6 milionë në vitin 2003 nga 45.5 milionë në vitin 1995, pra një reduktim prej 6%. Pavarësisht nga kjo, numri i aborteve të rrezikshme nuk është shoqëruar me një ulje korresponduese duke qëndruar kështu pothuajse në nivelet e mëparshme nga 19.9 millionë në 19.7 milionë për të njëjtën periudhë. Reduktimi më i madh ka ndodhur në ish-Bashkimin Sovjetik. Në Rusi, për shembull, abortet ranë 2,4%, shifër që korrespondon në 45 (nga 69) aborte në 1.000 gra, në Estoni abortet janë reduktuar deri në 3,4%. Në Kubë, norma e uljes shënon 2,1%, ose 57 (nga 78) aborte në 1000 gra. Rënia rezultoi si shkak i shtatzënive të padëshiruara midis moshave nga 15 – 44 vjeç. Gjithashtu, përqindja e grave të martuara që përdorin kontraceptiv u rrit 63% në 2003 nga 54% që ishte në vitin 1990
Thu Jan 21, 2010 5:16 am